Maxfiylik siyosati

Ma’lumotlaringizni YaTT O'rinov Firdavs Ikrom o'g'li (STIR 562125390) — «Postla», «biz» — qayta ishlaydi. Bu siyosat postla.io sayti, Postla kabineti va Postla Telegram botiga tegishli.

Biz ma’lumotni bitta maqsadda ishlatamiz: brendingiz uchun kontent tayyorlash, uni siz ulagan kanallarga chiqarish, to‘lovni qabul qilish va siz bilan bog‘lanish. Ma’lumotni sotmaymiz va reklama uchun ishlatmaymiz.

Hisob

• Elektron pochta manzilingiz. Kirish parolsiz: pochtangizga bir martalik kod yuboriladi.
• Kabinet tili (o‘zbekcha yoki ruscha).

Brend haqida siz beradigan ma’lumot

• Brend nomi, sayt, Instagram yoki Telegram kanal manzili, mamlakat va kontent tili.
• Fakt omboriga kiritgan narx, aksiya, manzil, ish vaqti kabi ma’lumotlar.
• Postlarga kiritgan tahrirlaringiz, tasdiqlash yoki rad etish qarorlaringiz, avtopilot sozlamasi.

Ochiq manbalardan o‘qiladigan ma’lumot

Siz ko‘rsatgan manzil bo‘yicha faqat hammaga ochiq ma’lumotni o‘qiymiz:

• Sayt: bosh sahifa va yana 5 tagacha ichki sahifa matni, sarlavhalari va ranglari. Sayt JavaScript bilan chizilsa, sahifa Jina AI Reader xizmati orqali matnga aylantiriladi.
• Instagram: profil nomi, bio, obunachilar va postlar soni, oxirgi va eng ko‘p ko‘rilgan postlarning matni, ko‘rishlar, layk va izohlar soni, videolar uchun matnga aylantirilgan nutq va tahlil. Bu ma’lumotni ChatPlace (Virale) xizmati beradi; buning uchun akkauntingiz Virale kuzatuv ro‘yxatiga qo‘shiladi.
• Telegram kanal: nomi, tavsifi, obunachilar soni va oxirgi 30 tagacha ochiq post (t.me sahifasidan).

Instagram yoki Telegram parolingizni so‘ramaymiz va olmaymiz.

Biz tayyorlaydigan ma’lumot

• Brend tahlili («brend DNK»): ovoz, auditoriya, mavzular.
• Kontent-reja, post matnlari va rasmlar. Rasmlar bizning fayl omborimizda saqlanadi va kanalga chiqarish uchun ochiq havola orqali beriladi: havolani bilgan odam rasmni ko‘ra oladi.
• Haftalik hisobot uchun post natijalari.

Kanallar

• Meta orqali to‘g‘ridan-to‘g‘ri ulasangiz, Facebook ruxsat oynasida o‘zingiz rozilik berasiz. Biz Page, Instagram va siz tanlagan reklama akkaunti identifikatorlari, nomlari, berilgan ruxsatlar hamda access tokenni shifrlangan holda saqlaymiz. Meta ulanishini kabinetda uzishingiz mumkin.
• Instagram Zernio xizmati oynasi orqali ulanadi: ruxsatni o‘sha yerda berasiz. Bizda Zernio akkaunt raqami, foydalanuvchi nomi va ko‘rinadigan nom saqlanadi.
• Telegram kanal Postla’ning o‘z botini kanalga administrator qilib ulanadi (Zernio bunda ishtirok etmaydi): bizda kanal identifikatori va nomi hamda botni ulagan Telegram hisobingiz raqami saqlanadi.

Telegram bildirishnomalari

Botni ulasangiz, Telegram chat raqamingiz, foydalanuvchi nomingiz va ismingiz saqlanadi. Botga yozgan xabaringiz (masalan, «narx 50 mingga chiqdi») fakt so‘roviga javob sifatida saqlanadi va keyingi postlarda hisobga olinadi. Botga /stop yozsangiz yoki kabinetda uzsangiz, xabarlar to‘xtaydi.

To‘lov

• Buyurtmalar: tarif, summa, holat, sana va Payme/Click tranzaksiya raqamlari.
• Payme va Click bilan almashilgan so‘rov va javoblar — nizo chiqsa dalil sifatida.
• Kartani avtomatik to‘lovga ulasangiz: karta raqami va amal qilish muddatini kabinetdagi formada kiritasiz, ular serverimiz orqali darhol Payme yoki Click’ga uzatiladi va bazaga yozilmaydi. Bizda faqat provayder bergan token, raqamning yashirilgan ko‘rinishi (masalan, 8600 49** **** 6478) va amal qilish muddati qoladi. SMS kod faqat tasdiqlash uchun provayderga uzatiladi.
• Bir martalik to‘lov Payme yoki Click sahifasida amalga oshadi.

Texnik ma’lumot

• Xatolar jurnali: xato matni, vaqti va qaysi hisob yoki brendda yuz bergani. Kalit, token va karta kabi maxfiy qiymatlar yozishdan oldin olib tashlanadi.
• Muhim amallar jurnali: kim qachon postni tasdiqladi, tahrir qildi, tarifni o‘zgartirdi yoki kanal uladi.
• AI va rasm xizmatlari sarfi (qaysi xizmat, qancha) — limit va xarajat hisobi uchun.

Faqat kirish uchun zarur cookie ishlatamiz: ular Supabase kirish tizimi tomonidan qo‘yiladi va sizni kabinetda tanib turadi. Analitika, reklama yoki kuzatuv cookie’lari yo‘q.

Brauzeringizda cookie’ni o‘chirsangiz, kabinetga kira olmaysiz, ochiq sahifalar esa ishlayveradi.

Xizmatni ko‘rsatish uchun quyidagi provayderlardan foydalanamiz. Har biri faqat o‘z ishi uchun kerakli qismni oladi:

Sun’iy intellekt xizmatlariga brendingiz haqidagi ochiq matnlar va faktlaringiz yuboriladi, pochtangiz va to‘lov ma’lumotingiz yuborilmaydi.

Postla xodimlari (administratorlar) nosozlikni tuzatish va qo‘llab-quvvatlash uchun kabinet ma’lumotini ko‘rishi mumkin. Qonun talab qilgan hollarda ma’lumot vakolatli davlat organlariga beriladi.

Baza, fayllar va hisoblar Supabase bulut xizmatida saqlanadi. Hudud: Yevropa Ittifoqi, Frankfurt (Germaniya).

Yuqoridagi provayderlarning ko‘pchiligi O‘zbekistondan tashqarida ishlaydi, ya’ni ma’lumot xorijdagi serverlarga uzatiladi. «Shaxsga doir ma’lumotlar to‘g‘risida»gi qonun talablariga moslik: ⟨yuridik tekshiruvda⟩

• Hisob, brend, kontent va rasmlar — hisobingiz bor ekan.
• Faol bo‘lmagan hisob: 6 oy
• Hech bir postga bog‘lanmagan rasmlar — 7 kundan keyin avtomatik o‘chiriladi.
• Xatolar jurnali — oxirgi takrordan 30 kun o‘tgach o‘chiriladi.
• Fon ishlari navbati — 14 kun (xato bilan tugaganlari 60 kun).
• To‘lov yozuvlari — qonun talab qilgan muddat: 5 yil
• Zaxira nusxalar: qo'lda olingan nusxalar 30 kun ichida almashtiriladi

Siz istalgan vaqtda:

• biz saqlagan ma’lumotingiz nusxasini so‘rashingiz;
• noto‘g‘ri ma’lumotni tuzattirishingiz (brend, faktlar va postlarni kabinetda o‘zingiz tahrirlaysiz);
• kartani kabinetdan uzishingiz — token bizda ham, provayderda ham o‘chiriladi;
• Telegram xabarlarini to‘xtatishingiz;
• hisob va ma’lumotlaringizni o‘chirishni so‘rashingiz — qanday qilish;
• roziligingizni qaytarib olishingiz va vakolatli organga shikoyat qilishingiz mumkin.

So‘rovni hisobingiz pochtasidan yuboring — shunda u sizniki ekanini tekshira olamiz. Javob muddati: 30 kun.

Mahsulot o‘zgarsa, bu sahifa ham o‘zgaradi. Amaldagi matn har doim shu manzilda turadi, kuchga kirgan sanasi sarlavha ostida ko‘rsatiladi.

Maxfiylik bo‘yicha savollar uchun:

• Pochta: postla.startup@gmail.com
• Telegram: @firdavsurinovs
• Telefon: +998 99 990 22 99
• Ish vaqti: Dushanba–juma, 9:00–18:00 (Toshkent vaqti)

Yozma murojaat uchun manzil: Toshkent shahri, Yangihayot tumani, Tursunzoda ko'chasi, 22-uy, 47-xonadon